WAFATIN ANNABI SAW (14)

GIDAN ANNABTA:

Abin da nake so bayani anan shine iyalan Manzon (SAW). ya auri S. Khadija bint Khuwailid, wadda ta haifa masa 'ya'yansa 6 wato Zainab, Rukayya, Ummu Kulsum, Fadima, Alkasim da Abdullahi ta rasu kafin hijira da shekara uku.

Sannan ya auri S. Saudat bint zainab bayan wafatin S. Khadija da kimanin wata daya tayi wafati a shekara ta 54 bayan hijira.

Sai S. Aisha bint Abibakar Assidik ya aurereta bayan Saudatu da shekara, tana 'yar shekara bakwai ko shida, ya tare da ita tana da shekara tara, Manzon (SAW) bai auri budurwa ba sai ita, ta zamo mafi ilimin matan Manzon (SAW), kuma tana daga wanda sukafi kowa rawaitar hadisi daga Manzon (SAW) ta rasu hijira ta 57 ko 58 ranar 17 ga Ramadan aka binneta a makabartar Baki'a.

Sai S. Hafsat bint Umar binil Khaddab ya aureta a sha'aba shekara ta uku, ta rasu a sha'aban hijira ta 45 tana da shekara 60 aka binneta a Baki'a.

Sai Zainab bint Khuzaimah AL HILALIYYAH (UMMUL MASAKIN) ya aureta shekara ta 4 ta rasu bayan wata uku da auren aka binneta a Baki'a.

Sai Ummu Salma Hindu bint Abi Ummayya, itama ta shiga cikin matan Annabi a shekara ta hudu, tana daga mafi ilimin matan Manzon (SAW), kuma itace mafi hankalinsu ta rasu shekara ta 59 baya hijira, aka binneta a Baki'a shekarunta 84.

Sai Zainab bnt Jahsin itace matar Zaid bin Harisata da ya saketa Allah ya aurawa Annabi ita, ita kuma tafi kowa yawan ba a matan Manzon (SAW) ta rasu shekara ta 20 tana da shekara 53.

Sai Juwairiyyah bintil Haris, an kawota a cikin ribatattun Banil Musdaluk sai ta fada cikin rabon Sabit bin Kais bin Shammas, sai ya daura mata fansa, saboda haka ta taho wurin Annabi (SAW) inda ta nemi taimakonsa, shi kuma ya nemata da cewa zai biya fansarta ya aure ta nan take ta yarda ta rasu a Rabi'ul Auwal shekara ta 56 tana da shekaru 65.

Sai Ummu Habiba Ramlat bint Abi Sufyan ta zamo matace ga Ubaidullahi bo Jahsh, sunyi hijira zuwa Habasha, amma sai yayi ridda acan ya koma kirista ya mutu a haka, sai Manzon (SAW) ya nemi aurenta, shekara ta 7 ta rasu a hijira ta 44.

Sai Safiyyatu bint Huyayyu bn Alkdaba, ita kuma an kamata ne a cikin ribatattu lokacin yakin Khaibara, mahaifinta shine shugaban Yahudawan Banun Nadeer, sai Manzon (SAW) ya zabeta ya bijiro mata da musulunci ya karba ya aure ta, ta rasu rasu a hijira ta 50.

Sai matarsa ta karshe wato Maimuna bintil Haris, Manzon (SAW) ya aureta a lokacin (Imratul Kada'i) a Makka, ta rasu a wurin da ake kira (SARAF) kimanin Mil tara daga Makka shekara ta 51 kabarinta yana nan.

Wadannan sune matan da Manzon (SAW) ya auresu, kuma ya tare da dasu, su 11 ne kuma yayi wafati ya bar mata tara, biyu sunyi wafati a rayuwarsa.

Akwai kuma sadakun Manzon (SAW) wanda a cikinsu akwai MariyatulKibdiyya, mahaifiyar Ibrahimul Mu'azzam, sai kuma Raihanatu Bint Zaid Alkuraziyya.

'YA'YAN MANZON (SAW):

'Ya'yan Manzon (SAW) kamar yadda ya gabata su bakwai ne, maza uku mata hudu ga su kamar haka:

Alkasim, shine babba a maza, dashi ake yiwa Manzon Allah (SAW) Alkunya wato ace (Abul Kasim), an haife shi kafin aiko Manzo (SAW) kuma ya rasu kafin aikoshi da shekara 2.

Abdullahi, ana kiransa Tayyib ko Tahir shima ance kafin Annabta aka haifeshi, wasu kuma sukace a'a bai riski musulunci ba.

Sai Ibrahimal Mu'azzam wanda aka haifa a Madina ya rasu yana da kwana 70.

Sai matan akwai Zainab wadda Abil As binir Rabi'in ya aureta, sai Rukayya da Ummu Kulsum da S. Usman ya aure su daya bayan daya duk suka rasu, sannan Fadima wadda take matar S. Ali ce mahaifinyar Hasan da Husain, dukkan 'ya'yan Manzo (SAW) sun rasu a rayuwarsa sai dai S. Fadima kamar yadda ya gabata tayi wafati bayan Manzo (SAW) da wata shida.