WAFATIN ANNABI SAW (9)

LABARAN WAFATIN MANZO (SAW) YA WATSU:

Koda labarin wafatin Manzon (SAW) ya watsu cikin Madina, sai kowa ya rude, masu kuka na faman yinsa ba kakkautawa, wasu sun kasa zama ko tsayuwa saboda rudi wasu koma sun zamo tamkar kurame bebaye basa iya magana kuma basa fahimtar me ake cewa.

S. Usman yana daga cikin irin wanda suka zamo kamar bebaye. S. Umar kuwa sai ya zare takobi yace "sai na sare kan duk wanda ya sake cewa Manzon (SAW) Allah ya rasu kadai ya tafi ne izuwa ubangijinsa kamar yadda Annabi Musa (AS) ya tafi, kuma zai dawo. An karbo daga Abu Zu'aibul Huzaiy cewa Sa'adda ya shigo birnin Madina sai ya tarar da ita ta cika da kuka da hargowa, kai kace hargowar Alhazai ce, sai na tambaya lafiya sai akace ai Manzon (SAW) ne yayi wafati…".

Sa'adda labarin ya iske S. Abubakar gidansa dake "Sunh" sai gashi yazo koda isowarsa sai ya shige kai tsaye cikin gidan Annabi. Ya shiga daki inda Annabi (SAW) ke kwance, ga mata sun kewaye shi sunata faman kuka, sai duk suke rufe fuska kunsu in banda 'yarsa wato (Aisha), sai ya bude mayafin da aka rufe fuskar Manzon (SAW) ya sumbace shi, sannan yayi kuka yace fansarka uwata da ubana ya Rasulallahi hakika mutuwar da Allah ya rubuta a kanka ka dandaneta, sannan ba zaka sake dan dana wata ba har abada. Sannan ya mayar da mayafin ya rufe Manzon (SAW) ya fito.

Koda fitowarsa sai ya tarar da S. Umar yana yiwa mutane magana, kamar yadda muka fada a baya ya zare takobi. Sai S. Abubakar yace dashi saurara min yakai Umar yi shiru, sai Umar yaki yai shiru, koda Abubakar yaga haka sai ya koma can gefe daya yayi kiran mutane, sai suka taho suka bar  S. Umar shi kadai, sai S. Abubakar ya godewa Allah yayabe shi, sannan yace "yaku mutane duk wanda yake bautawa Muhammadu to yau Muhammad ya rasu, wanda yake bautawa Allah to Allah rayayyene baya mutuwa, sannan S. Abubakar ya karanta fadin Allah:

ﭽ ﭳ  ﭴ    ﭵ    ﭶ  ﭷ  ﭸ  ﭹ  ﭺ  ﭻﭼ  ﭽ  ﭾ  ﭿ   ﮀ   ﮁ  ﮂ  ﮃﮄ  ﮅ  ﮆ  ﮇ  ﮈ  ﮉ  ﮊ       ﮋ  ﮌﮍ  ﮎ  ﮏ  ﮐ  ﮑ  ﭼ    آل عمران: ١٤٤                                                 

A dunkule abinda ayar take nufi shine Muhammadu bai zamo ba sai dai Manzo ne daga cikin manzanni da suka shude ga baninsa, shin idan ya mutu ko aka kasheshi, sai kujuya (ga barin addini), abisa duga-duganku, to (kusani) duk wanda ya juya akan duga-duginsa to bazai cuci Allah da komai ba, Allah ta'ala zai sakawa masu godewa".        

Koda mutane sukaji wanna ayar sai suka tabbatar dai cewa Annabi (SAW) fa ya koma ga Ubangijisa, sai S. Umar yace wallahi dani da mutane kamar bamu taba karanta wannan ayar ba, sai a rannan take sai naji gwiwata tayi sanyi, naji kamar kafata bazata daukeni ba sai da na fadi a kasa, na tabbatar cewa Manzon (SAW) lallai ya rasu.

Bayan da kowa ya tabbatar da wafatin Manzon (SAW) sai kuma aka shiga maganar khalifanci wato waye zai khalifanci Annabi (SAW) wanda in sha Allahu zanyi bayaninsa anan gaba, amma yanzu zan shiga magana akan binne shi tukunna.